ამის შესახებ ბაქრაძემ დღეს მუხათგვერდის სასაფლაოზე საომარი მოქმედებებისას დაღუპული სამხედრო მოსამსახურეების ხსოვნითვის პატივის მიგების შემდეგ ჟურნალისტებთან საუბრისას განაცხადა.

"დღეს საქართველოს ისტორიაში არის ერთ-ერთი მძიმე თარიღია, რომელიც ასოცირდება ძალიან დიდ ტკივილთან და მე პირველ რიგში კიდევ ერთხელ მინდა თანაგრძნობა გამოვხატო დაღუპულთა მიმართ, მათი ოჯახების მიმართ. კიდევ ერთხელ მინდა ქედი მოვიხარო ჩვენი დევნილების და მათ მიერ გამოვლილი ტკივილის მიმართ. მაგრამ, ამავე დროს, ტკივილის გარდა, დღევანდელი დღე არის ასევე ეროვნული სიამაყის დღე. იმიტომ, რომ 5 წლის წინ გამოჩნდა, რომ ქართველმა ხალხმა, ქართულმა არმიამ, საქართველოს ხელისუფლებამ ერთად შეძლო ქვეყნის დაცვა და ერთად შეძლო ის, რომ დღეს საქართველოში ფრიალებს ქათული დროშა და ჩვენი ქვეყანა აგრძელებს ევროპული ინტეგრაციის კურსს. ამიტომ, დღეს ერთდროულად არის ტკივილის დღე, სიამაყის დღე, და რაც ყველაზე მნიშვნელოვანია, იმ პასუხისმგებლობის გააზრების დღე, რომელიც ყველა პოლიტიკოსს გვეკისრება ქვეყნის წინაშე,"- განაცხადა დავით ბაქრაძემ.

შეგახსენებთ, რომ ხვალ, 8 აგვისტოს რუსეთ-საქართველოს ომის დაწყებიდან ხუთი წელი სრულდება. 2008 წლის 25 სექტემბრის მდგომარეობით, საქართველოს თავდაცვის, შინაგან საქმეთა და ჯანდაცვის სამინისტროების ინფორმაციით აგვისტოს ომის დროს დაიღუპა: შეიარაღებული ძალების 168 სამხედრო მოსამსახურე; პოლიციის 16 თანამშრომელი და 188 მშვიდობიანი მოქალაქე.