რუსეთის ფედერაციის პრემიერ-მინისტრ დიმიტრი მედვედევის განცხადებით, "აფხაზეთში და სამხრეთ ოსეთში შექმნილი ვითარება წლების განმავლობაში წარმოებულმა "გაუთლელმა" პოლიტიკამ განაპირობა".
ამის შესახებ მედვედევმა ტელეკომპანია "რუსთავი"-ის ჟურნალისტ ნინო შუბლაძისთვის მიცემულ ექსკლუზიურ ინტერვიუში განაცხადა და აღნიშნა, რომ "იმ მომენტისთვის ჯერ კიდევ საქართველოსგან საბოლოოდ მოუწყვეტელი აფხაზეთისა და სამხრეთ ოსეთისთვის გარკვეულ სიტუაცაში, ისეთი პირობები შეეთავაზებინა რომლებიც მისაღები იქნებოდა შესაბამისი ტერიტორიული ერთეულებისთვის, შესაძლოა, ვითარება სხვაგვარი ყოფილიყო".
"სამწუხაროდ, ახალი რეალობები უკვე წინასწარ განსაზღვრული იყო. არ მინდა მკვეთრი გამოთქმები ვიხმარო, თუმცა ასე ვიტყვი - მეტად გაუთლელი პოლიტიკით, რომელიც მრავალი წლის განმალობაში ტარდებოდა აფხაზეთისა და სამხრეთ ოსეთის მიმართ, საქართველოს რომ გარკვეულ სიტუაცაში ისეთი პირობები შეეთავაზებინა რომლებიც მისაღები იქნებოდა შესაბამისი ტერიტორიული ერთეულებისთვის, რომლებიც იმ მომენტისთვის ჯერ კიდევ საბოლოოდ არ იყვნენ მოწყვეტილნი, მაშინ შესაძლოა, ვითარება სხვაგვარი ყოფილიყო. მაშინ იქ არ იქნებოდა კოლექტიური ძალები, არ იქნებოდა სამშვიდობო კონტიგენტი, ჩვენ არ მოგვიწევდა მხარეთა გაშველება და დამშვიდება. საერთოდ სულ სხვა სიტუაცია იქნებოდა. პრობლემის ფესვები ხომ 1990-იან წლბშია?! ყველაფერი შესაძლოა, სხვაგვარად ყოფილიყო. ჩვენ ეს მდგომარეობა მემკვიდრეობით მივიღეთ. ის ჩვენ არ შეგვიქმნია. საჭირო იყო წარემართათ სწორი სახელმწიფო პოლიტიკა 1990-იან წლებში. ეს სამწუხაროდ, არა მარტო საქართველოს ტერიტორიაზე ხდებოდა. სხვა ადგილებშიც ხდებოდა, მაგრამ ამის გამო, პრობლემა ნაკლებად რთული და ნაკლებად მწარე არ ხდება. ამიტომ, იმის თქმა რომ ამ პრობლემის შექმნა სიტუაციაში რუსეთის ფედერაციის ჩარევამ განაპირობა, დიდი უსამართლობა იქნება. ეს შიდა კონფლიქტი ჩვენ არ შეგვიქმნია და არც ასეთი უნიჭო მეთოდით არ ვცდილობდით მის დარეგულირებას. აღარაფერს ვამბობ 2008 წლის აგვისტოში შეარაღებული ძალების მოქმედებებზე, რასაც სამწუხაროდ, არ შემიძლია სხვა რამე ვუწოდო თუ არა - სამხედრო დანაშაული,"- განაცხადა დიმიტრი მედვედევმა.