აჭარის ჯანდაცვის მინისტრი ოფიციალური ვიზიტით თურქეთში იმყოფება.
სამთავრობო დელეგაციას აჭარის მთავრობის თავმჯდომარე არჩილ ხაბაძე ხელმძღვანელობს, მასთან ერთად თურქეთის ქალაქ სტამბოლში ჯანმრთელობის და სოციალური დაცვის მინისტრი ნუგზარ სურმანიძე, ფინანსთა და ეკონომიკის მინისტრი დავით ბალაძე და განათლების, კულტურის და სპორტის მინისტრი გიორგი თავამაიშვილი გაემგზავრნენ.
ვიზიტის ფარგლებში შეხვედრები გაიმართება სტამბოლის ბეხჩეშეჰირის უნივერსიტეტის რექტორთან და სამედიცინო ფაკულტეტის დეკანთან. აღნიშნულ შეხვედრაზე განიხილება სამომავლო ერთობლივი საგანმანათლებლო პროექტების და სტუდენტური გაცვლითი პროგრამების დაგეგმვა და განხორციელება.
დაგეგმილია ასევე შეხვედრა თურქეთის თანამშრომლობისა და განვითარების სააგენტოს (TIKA) წარმომადგენლებთან. აღნიშნული ორგანიზაცია მთავრობას დახმარებას გაუწევს მახინჯაურის ჩვილ ბავშვთა სახლის შენობის რეაბილიტაციასა და სოფელ ცხემლარში სამედიცინო პუნქტის მშენებლობაში
