აჭარის ა/რ ჯანმრთელობისა და სოციალური დაცვის სამინისტროს 2013 წლის ჯანმრთელობის დაცვის, სამედიცინო-პროფილაქტიკური და სოციალური დაცვის პროგრამების II კვარტლის შესრულების ანგარიში კანონმდებლებს მინისტრმა წარუდგინა. ნუგზარ სურმანიძის განცხადებით, სამნისტროს ჯანდაცვისა და სოციალური პროგრამებით, საანგარიშო პერიოდში 2523-მა მოქალაქემ ისარგებლა და ეს ტენდენცია შენარჩუნდება, ამასთან, განსაკუთრებული ზრუნვის საგანი იქნება პირველადი ჯანდაცვის აღორძინება, მაღალმთიანეთის შესაბამისი სამედიცინო პერსონალით უზრუნველყოფა და ა.შ.
გარდა აღნიშნულისა მინისტრმა სხდომაზე ისაუბრა სამინისტროს კონტროლს დაქვემდებარებული საჯარო სამართლის იურიდიული პირების 2014-2017 წლების საშუალოვადიანი სამოქმედო გეგმის თაობაზე. მისი განმარტებით, სამინისტროს პროგრამების ბიუჯეტი 2014 წლიდან 800 ათასზე მეტი ლარით გაიზრდება.
კანონმდებლებმა სხდომაზე ქ. ბათუმში მოსახლეობის სამედიცინო დახმარების კუთხით დღეს არსებულ მდგომარეობასა და გადასაჭრელ პრობლემებზე ინფორმაცია შპს "სასწრაფო სამედიცინო დახმარების ცენტრის" ხელმძღვანელისგან მოისმინეს. მინდია კახიძის განმარტებით, ცენტრის 185 თანამშრომელი, რომელთაგან 52 ექიმია, სადღეღამისო რეჟიმში ემსახურება როგორც ადგილობრივებს, ისე დამსვენებლებს.
უმაღლესი საბჭოს ჯანმრთელობის დაცვისა და სოციალურ საკითხთა კომისიამ სამინიტროსა და სასწრაფო სამედიცინო დახმარების ცენტრის მუშაობა დადებითად შეფასა