მას შემდეგ, რაც საზოგადოებამ იხილა და დარწმუნდა იმაში, რომ ვერც იუსტიციის მინისტრს თეა წულუკიანს და ვერც საქართველოს მთავარ პროკურორს არჩილ კბილაშვილს არ ძალუძთ გაატარონ ის რეფორმები თავიანთ უწყებებში და კონკრეტული ნაბიჯები გადადგან სამართლიანობის აღდგენის კუთხით, მათ მორალური უფლება არ აქვთ ინარჩუნებდნენ დაკავებულ თანამდებობებს.
წულუკიანმა ჩააგდო სასამართლოს რეფორმა, ვერ განახორციელა კერძო იპოთეკარებთან დაკავშირებით აღებული ვალდებულებები, ვერ მოახდინა ინიცირება იმ საკანონმდებლო ინიციატივებისა, რომელიც იუსტიციის სამინისტროდან უნდა წამოსულიყო და რომელსაც ცვლილებები უნდა განეხორციელებინა იმ ხარვეზებთან დაკავშირებით, რომელიც კანონმდებლობაშია.
სწორედ აქედან გამომდინარე, ,,უფლებადამცველთა გაერთიანები"-ს თავჯდომარე ნიკოლოზ მჟავანაძე თვლის, რომ წულუკიანი, არათუ იუსტიციის მინისტრობის ღირსია არამედ, როგორც ჩანს მას პიროვნული თვისებებიდან გამომდინარე პრობლემები აქ იმისა, რომ საერთოდ რამე პოზიციას იკავებდეს სახელისუფლებო რგოლში.
პროკურატურა კი, დღეს წარმოადგენს უსამართლობის სიმბოლოს და ამაზე პასუხისმგებლობა არჩილ კბილაშვილს აკისრია, მისი ცხრა თვიანი მოღვაწეობის პერიოდში პროკურატურაში არ მომხდარა არცერთი ცვლილება, რომელიც საზოგადოებას იმის იმედს მაინც დაუტოვებდა , რომ სამომავლოდ მაინც აღიდგენდნენ დაზარალებული პირები თავიანთ უფლებებს, ხოლო სააკაშვილის დამნაშავე რეჟიმი კი კანონის სიმკაცრის მიხედვით აგებს პასუხს.