„თუ დავითაშვილი კენჭს იყრის პრეზიდენტობის კანდიდატობაზე, ის ხმებს წაართმევს ოცნების კანდიდატ მარგევალშვილს,"- ასე აფასებს საპარლამენტო უმცირესობის წევრი ლევან ბეჟაშვილი კოალიციის ერთ-ერთი წევრის, კობა დავითაშვილის მიერ კოალიციის დატოვებას და პრეზიდენტის არჩევნებში „ხალხის პარტიის" სახელით არჩევნებში მონაწილეობას.
ბეჟაშვილის თქმით, დავითაშვილის პარტიას არასოდეს ჰქონია რეიტინგი, თუმცა ის მარგველაშვილს 1-2% ხმებისა მაინც წაართმევს.
„კობა დავითაშვილი თავისი განცხადებებით, ყოველთვის პირდაპირად თუ ირიბად ემიჯნებოდა „ქართულ ოცნებას." ასე, რომ ვფიქრობ დავითაშვილის ეს განცხადება არც „ქართული ოცნების" წევრებისთვის და არც" ერთიანი ნაციონალური მოძრაობისთვის" არ ყოფილა დიდი სიურპრიზი. ფაქტი არის ერთი „ქართული ოცნება" არ არის ერთიანი ძალა და ის განწირულია დაშლისთვის, სადაც პირველი ნაბიჯი დავითაშვილმა გადადგა, თუმცა ის რომ დავითაშვილის პრეზიდენტობის თანამდებობის დაკავებაზე შანსი არ აქვს ეს მანაც კარგად იცის",- განაცხადა ლევან ბეჟაშვილმა.