,,მინისტრების მხრიდან სირაქლემის პოზაში ყოფა, თითქოს ეკონომიკაში არაფერი არ ხდება, ვფიქრობ, არასერიოზულია", _განაცხადა პარტიის ოფისში გამართულ პრესკონფერენციაზე ,,ნაციონალური მოძრაობის" საპრეზიდენტო კანდიდატმა დავით ბაქრაძემ საქსტატის მიერ გამოქვეყნებული შედეგების კომენტირებისას.
მისივე განცადებით, ხელისუფლებამ მთავარი აქცენტი ეკონომიკის განვითარებაზე უნდა გააკეთოს.
,,ამ თვეების განმავლობაში შეგნებულად ვიკავებდი თავს ეონომიკაზე მწვავე განცხადებების გაკეთებისგან, რადგან მიმაჩნია, რომ ეკონომიკა არ უნდა იყოს პოლიტიკური დებატების თემა, მაგრამ ის რაც ხდება ბოლო პერიოდში მნიშვნელოვანია და საგანგაშოა იმისთვის, რომ ამის თაობაზე არ დავიწყოთ ღიად, გულახდილად და აქტიურად საუბარი. ბოლო თვეების განმავლობაში საქართველოს ეკონომიკა მუდმივი კლებით ხასიათდება. თუ ამ წლის პირველი თვეები კლება იყო, მაისში ეს მაჩვენებელი ჩამოვიდა ნულოვან ზრდაზე, ხოლო ივნისში კიდევ უარესი შედეგია გადაიზარდა მინუსში ეკონომიკური ზრდის მაჩვენებელმა, ანუ საქართველოს ეკონომიკამ რეალურად დაკლება დაიწყო. ჩვენ უნდა გვესმოდეს, რომ ეს ნიშნავს დაკარგულ სამუშაო ადგილებს, საფრთხის ქვეშ დადგება სოციალური ვალდებულებების შესრულება მომავალი რამდენიმე თვის შემდეგ, რაც ნიშნავს იმას, რომ ადამიანები არა თუ უკეთესად იცხოვრებენ, არამედ პირიქით ძალიან ბევრი ოჯახი უარესად იცხოვრებს, რადგან გაიზრდება უმუშევრობა, აღარ შეიქმნება სამუშაო ადგილები"_განაცხადა ბაქრაძემ.
