„სააღსრულებო წარმოებათა შესახებ" კანონში შესატან ცვლილებას ეკონომიკის სამინისტროც ეწინააღმდეგება. მინისტრის, გიორგი კვირიკაშვილის განმარტებით, ასე ერთი ხელის მოსმით, აღსრულების შეჩერება მიუღებელია, რაც საბოლოო ჯამში საბანკო სისტემასაც დააზარალებს. მისივე თქმით, სამინისტრომ კანონპროექტთან დაკავშირებით შენიშვნები უკვე გადააგზავნა.
"სამწუხაროდ საკითხი პირველი მოსმენით ისე გავიდა, რომ ის შეჯერებული არ იყო უმრავლესობასა და მთავრობას შორის. დიდი იმედი მაქვს, რომ, იმ კანონპროექტი იმ ვარიანტით, როგორც დღესაა წარმოდგენილი, არ გავა. ეს ძალიან საფრთხილო საკითხია და მიგვაჩნია, რომ დიდი სიფრთხილეა საჭირო",- განმარტავს კვირიკაშვილი.
მინისტრის თქმით, მთავრობასა და კანონპროექტის ავტორებთან უახლოეს ხანებში კონსულტაციები და შეხვედრები შედგება და სწორედ ამის შემდეგ ჩამოყალიბდება საერთო პოზიცია.
„არსებული კანონმდებლობაც, განსაკუთრებულ შემთხვევებში ითვალისწინებს აღსრულების შეჩერებას ან გადადებას. ვფიქრობთ, რომ კომერციულ საბანკო სისტემას კანონპროექტის ის ვარიანტი, რომელიც დღესაა წარმოდგენილი, საკმაოდ ზიანს მოუტანს",- აღნიშნა კვირიკაშვილმა.
შეგახსენებთ, რომ მომზადდა ,,სააღსრულებო წარმოებათა შესახებ" კანონსა და საქართველოს სამოქალაქო კოდექსში შესატანი ცვლილებები, რომელიც 2014 წლის 1-ელ თებერვლამდე გარკვეულ შემთხვევებში სააღსრულებო პროცედურების, შეჩერებას ითვალისწინებს. კანონპროექტის არსებულ ვარიანტთან მიმართებაში შენიშვნები უკვე ღიად დააფისწირეს „ბზინეს ასოციაციამ" და ბიზნესომბუდსმენმა.
ბიზნესომბუდსმენის განმარტებით, კანონპროექტის არსებული ვარიანტის მიღებით ქვეყნის საინვესტიციო გარემო გააუარესდება და პრობლემები შეუქმნება ბიზნეს სექსტორს ფინანსური რესურსების მოზიდვაში, რადგან მათ საკუთრებაში არსებული უძრავი ქონება არალიკვიდური გახდება.
