შტაბების ხელმძღვანელების გაერთიანებული კომიტეტის თავმჯდომარემ გენერალმა მარტინ დემპსიმ აშშ-ს მიერ სირიის ომში ჩართვის სცენარზე ისაუბრა, შეაფასა და ის და მისი პლიუსები და მინუსები გამოყო. ინფორმაციას ამის შესახებ „ბი-ბი-სი" ავრცელებს.
გენერალი სენატორებისადმი გაგზავნილ წერილში წერს, რომ ამგვარი სცენარით მოვლენების განვითარება ომსა და მრავალმილიარდიანი ხარჯების მანიშნებელი იქნება. დემპსის მონაცემებით, აშშ-ს აქვს სირიაში აქტიური მოქმედების შემდეგი ვარიანტები:
ამბოხებულების სწავლება, შეიარაღება და სხვა მხარდაჭერა. შეზღუდული ავიადარტყმები.
არასაფრენი ზონის შემოღება. ქვეყანაში ბიფერული ზონების შექმნა. სირიის ქიმიურ იარაღზე კონტროლის დამყარება.
დემპსის თქმით, ზემოთჩამოთვლილთაგან პირველი ვარიანტი დაახლოებით წელიწადში 500 მილიონი აშშ დოლარის ხარჯებს მოითხოვს. სხვა ვარიანტები კი თითო, ერთ მილიარდს წელიწადში.
აღსანიშნავია, რომ ვაშინგტონი ჯერ ჯერობით უარს აცხადებს სირიის სამხედრო კონფლიქტში ჩარევის სავარაუდო განხილვაზეც კი.
„ყველა ჩვენგანი სრული სერიოზულობით ეკიდება ძალის გამოყენების შესაძლებლობას და ეს კი სხვა არაფერია თუ არა ომი", _ წერს დემპსი და აღნიშნავს, რომ აშშ-მ ავღანეთსა და ერაყში დაგროვილი გამოცდილება უნდა გაითვალისწინოს.