,,კარგია, პაატა ბურჭულაძე საპრეზიდენტო არჩევნებში მონაწილეობას თუ მიიღებს ძალიან კარგია", _განაცხადა ჟურნალისტებთან შეხვედრისას პრემიერ-მინისტრმა ბიძინა ივანიშვილმა.
მისივე განმარტებით, ნებისმიერმა საპრეზიდენტო კანდიდატმა, შესაძლოა, კოალიციის კანდიდატს ხმები წაართვას.
"ყველაფერი შეიძლება, მოხდეს. ნებისმიერმა კანდიდატმა, შესაძლოა, ჩვენს კანდიდატს ხმები წაართვას, მაგრამ ეს იმას არ ნიშნავს, რომ ჩვენ ამაზე რაიმე რეაქციები უნდა გვქონდეს. ნებისმიერი ადამიანის გადასაწყვეტია, უნდა თუ არა მონაწილეობა მიიღოს პოლიტიკურ პროცესში. თუ გადაწყვეტს ბატონი პაატა ამას, ძალიან კარგია. მე ვფიქრობ, რომ მარგველაშვილი, როგორც პოლიტიკოსი, გაცილებით მისაღებია. ვინც მარგველაშვილს იცნობს, იტყვის, რომ ის მისაღებია არამარტო საქართველოსთვის, არამედ სხვა ნებისმიერი ქვეყნისთვის. მე ვფიქრობ, რომ ვერც პაატა გაუწევს მას კონკურენციას, თუმცა ეს საზოგადოების გადასაწყვეტია და ყველა პიროვნება წყვეტს თავის სურვილებს. მე ვფიქრობ, რომ კოალიციამ ძალიან კარგი კანდიდატი დაასახელა და იმის გათვალისწინებით, რომ ვიცნობთ ჩვენს საზოგადოებას, მე ვფიქრობ, რომ საზოგადოება მას პირველივე ტურში აირჩევს", - განაცხადა ივანიშვილმა, რომელმაც კოალიცია ,,ქართული ოცნების"' საპრეზიდენტო კანდიდატის შეცვლა კატეგორიულად გამორიცხა.
მასალის გამოყენების პირობები