საქართველოს საგარეო საქმეთა მინისტრმა საფრანგეთში ვიზიტის დროს ლევილი მოინახულა. მინისტრი ლევილის მერს დანიელ ესპრიმს და ნოე ჟორდანიას ქალიშვილს ნათელა ჟორდანიას შეხვდა. მაია ფანჯიკიძემ ყვავილებით შეამკო საქართველოს დემოკრატიული რესპუბლიკის მთავრობის მეთაურის ნოე ჟორდანიას საფლავი და დაათვალიერა ლევილის ქართველთა სასაფლაო.
როგორც მინისტრთან შეხვედრის დროს ნათელა ჟორდანიამ აღნიშნა მნიშვნელოვანია ლევილში ქართულ-ფრანგული კულტურის ცენტრის გახსნა, "ჩვენთვის დიდი პატივია ვუმასპინძლოთ საქართველოს საგარეო საქმეთა მინისტრს. ლევილის მამული სიმბოლური ადგილია ყველა ქართველისთვის. იგი მუდამ იყო ქართული დამოუკიდებლობის სიმბოლო. ამ მამულის მომავალი მნიშვნელოვანია, არა მხოლოდ საქართველოსთვის, არამედ აქ მცხოვრები ქართველებისთვისაც. ლევილის მერია დიდ ყურადღებას უთმობს ამ ურთიერთობას და მხარს უჭერს პროექტს, რომლის მიხედვითაც აქ უნდა შეიქმნას ქართულ-ფრანგული კულტურული ცენტრი. მინდა ეს პროექტი მალე განხორციელდეს, რადგან მეც მოვესწრო ამ ცენტრის ფუნქციონირებას" - განაცხადა ნათელა ჟორდანიამ.