,,როგორც კი საარჩევნო კამპანიას დავიწყებ, თანამდებობიდან გადავდგები", _განაცხადა ჟურნალისტებთან კოალიცია ,,ქართული ოცნების" საპრეზიდენტო კანდიდატმა გიორგი მარგველაშვილმა.
მისივე განმარტებით, განათლების სამინისტროში რამდენიმე პროცესია დასამთავრებელი, როგორც კი ეს პროცესები დასრულდება და დაიწყებს საარჩევნო კამპანიას, დაკავებული თანამდებობიდან გადადგება.
"კანონი მაძლევს იმის უფლებას, რომ დავრჩე თანამდებობაზე, მაგრამ ჩვენ სწორედ იმიტომ მოვედით ხელისუფლებაში, იმიტომ გვაქვს პრეტენზია ქვეყნის მართვის, რომ ახალი სტანდარტები და პოლიტიკური კულტურა დავნერგოთ. ბუნებრივია, როგორც კი დავიწყებ საარჩევნო კამპანიას, მე გადავდგები, მიუხედავად იმისა, რომ კანონი ამას არ მავალდებულებს. კონკრეტულად ჯერ სლოგანსა და სხვა დეტალებზე ჩამოყალიბებული არ ვართ. ჩვენ ძლიერი და ორგანიზებული გუნდი ვართ. საქართველოს მოსახლეობის უმრავლესობას მხარს გვიჭერს. რაც შეეხება იმას, რა შანსები აქვს "ნაციონალურ მოძრაობას" არჩევნებში გამარჯვების, ამაზე დასკვნები პოლიტოლოგებმა უნდა გააკეთონ", - განაცხადა გიორგი მარგველაშვილმა.
შეგახსენებთ, რომ საპრეზიდენტო არჩევნები 31 ოქტომბერს გაიმართება.