სტამბოლში პარლამენტის თავმჯდომარე, დავით უსუფაშვილი მონტენეგროს პარლამენტის თავმჯდომარეს, ეუთოს საპარლამენტო ასამბლეის პრეზიდენტობის კანდიდატს, რანკო კრივოკაპიჩს შეხვდა.
შეხვედრას ესწრებოდნენ საქართველოს პარლამენტის ვიცე-სპიკერი ზურაბ აბაშიძე და ევროპასთან ინტეგრაციის კომიტეტის თავმჯდომარე ვიქტორ დოლიძე.
საქართველოს პარლამენტის თავმჯდომარემ მოკლედ მიმოიხილა საქართველოში მიმდინარე პროცესები და ხაზი გაუსვა ეუთოს სადამკვირვებლო მისიის აღდგენის აუცილებლობას საქართველოს ტერიტორიაზე.
მონტენეგროს პარლამენტის თავმჯდომარემ აღნიშნულ საკითხზე მსჯელობის დაწყების და საქართველოს პოზიციის მხარდაჭერის სრული მზადყოფნა გამოთქვა.
მხარეებმა აგრეთვე ისაუბრეს კონფლიქტურ ზონებში მიმდინარე მოვლენებზე და რუსეთთან ურთიერთობაზე.