,,ჩვენი დიდი სურვილია, რომ საქართველოში ეუთო-ს მისია აღდგეს", _განაცხადა ჟურნალისტებთან საგარეო საქმეთა მინისტრის მოადგილემ დავით ზალკალიანმა და აღნიშნა, რომ ამ საკითხზე მნიშვნელოვანია ეუთო-ს საპარლამენტო ასამბლეის მუშაობა.
"ამ პროცესს აქვს თავისი სირთულეები, გამომდინარე იქიდან, რომ ამ ორგანიზაციაში გადაწყვეტილებები კონსესუსის საფუძველზე მიიღება და თუკი ერთი დელეგაცია ბლოკავს გადაწყვეტილებას ვერ იქნება მიღებული. ჩვენი ძალიან დიდი სურვილია, რომ აღდგეს ეუთო-ს მისია. მაგრამ ერთი დელეგაციის გამო, რომელიც ამ საკითხს ბლოკავს, ამ მიზნის მიღწევა ვერ ხდება, თუმცა მე მქონდა საუბარი, იქნება მოვძებნოთ გზები, რადგან არსებობს მექანიზმები ეუთო-ში, რომ მოხდეს რაიმე ფორმით ეუთო-ს მისიის აღდგენა", - განაცხადა დავით ზალკალიანმა.
მისივე განცხადებით, მნიშვნელოვანია, საერთაშორისო ორგანიზაციების არსებობა საქართველოში.
,,მოგეხსენებათ, ევროკავშირის სადამკვირვებლო მისია როგორ დადებით ფუნქციას ასრულებს ცხინვალის რეგიონთან მიმართებაში და აქედან გამომდინარე დამატებითი საერთაშორისო კომპონენტის არსებობა ძალიან მნიშვნელოვანია", _განაცხადა დავით ზალკალიანმა.
მასალის გამოყენების პირობები
