მისივე განმარტებით, არ შეიძლება მოატყუო პარტნიორები, მით უმეტეს, ნატო, რომელიც საქართველოსთვის სასიცოცხლოდ მნიშვნელოვანია.

,,ნატო-ს გენერალური მდივნის და ნატო-ს ელჩების აქ ყოფნის ფონზე, გუშინ დილას ვიღაცეები დაიჭირეს. მერე აღმოჩნდა, რომ ბორკილები მოხსნეს, უკანა კარიდან გააპარეს და უთხრეს, რომ ჩუმად, ჩუმად, არავის უთხრათ, რომ დაგიჭირეთო. ჩრდილოატლანტიკური საბჭოს სხდომაზე საქართველოს მთავრობის წარმომადგენელმა, მინისტრმა აიღო სიტყვა და თქვა: ის, რაც მოხდა ამ დაჭერებთან დაკავშირებით, იყო საბოტაჟი გარე ძალების, ვიღაცამ ეს სპეციალურად გააკეთა, ჩვენ ბოდიშს გიხდით და ყველას, ვინც ეს ჩაიდინა, მოვთხოვთ პასუხსო, ნატო-ს მიმართა. იქვე მომიბრუნდა ნატო-ს ერთ-ერთი მაღალი რანგის დიპლომატი და მითხრა, რომ სიტყვა "საბოტაჟი" არის შეუცდომლად საბჭოთა სიტყვაო, ამ სიტყვას საბჭოთა კავშირში ახსენებდნენ, ეს არ არის დემოკრატიული სამყაროს ტერმინიო. მართლაც, "საბოტაჟი" რა არის, რომ ვიღაც შემოგზავნილი, ჩანერგილი, რაღაცას აკეთებს ზურგს უკან. როგორც კი ნატო აფრინდა, ისევ მიაკითხეს და დიდი ნაწილი დაიჭირეს. ნატო თანასწორად გელაპარაკება შენი არც მონობა უნდა და არც გებატონება, ეს არის შენი პარტნიორი. ბატონი შეიძლება მოატყუო მონამ, მაგრამ პარტნიორს ერთხელ რომ მოატყუებს და ისე დაელაპარაკები როგორც გუშინ, ნატოს რომელიც არის ჩვენი სასიცოცხლო ხაზი, რომელსაც უნდა ჩაებღაუჭო და ყოველი მათი საქართველოში ჩამოსვლა, ტურისტები ხომ არ არიან, რომ აქეთ-იქით დადიოდნენ და ერთობოდნენ, ყველა ნატოს წარმომადგენლის, გენერლის ჩამოსვლა, ყველა სემინარი, ყველა დეკლარაცია ეს არის ის, რომ საქართველოს დამპყრობელმა ჩვენგან ხელები შორის დაიჭიროს, არ შეიძლება პარტნიორებთან ასეთი აგდებული ლაპარაკი. თუ შენ გაქვს მხოლოდ ჯაყოს ფსიქოლოგია და შეგიძლია ვიღაცას ემონო, ან უხეშად ელაპარაკო, ან დაამცირო ვერასოდეს ვერ იქნები დემოკრატიული სამყაროს ნაწილი, ეს არის პრობლემა. ჩვენ უნდა ვიყოთ მათთან თანასწორები. ისინი არ გვეუბნებიან, რომ ჩვენ ქვემოთ იყავით, არც იმას გვთხოვენ, რომ მოდით მოგვატყუეთ გაგვამაიმუნეთ, ან ერთი ილაპარაკეთ და მეორე გააკეთეთ, მესამე დღეს ბოდიში მოგვიხადეთ და მერე იგივე გააკეთეთ, ვინ სთხოვა მინისტრს საბოტაჟია და ბოდიშს გიხდითო", _განაცხადა მიხეილ სააკაშვილმა.

.