,,ვფიქრობთ, რომ ნატოსა და ევროკავშირში გაწევრიანება არც თუ შორეული პერსპექტივაა', -ამის შესახებ საქართველოს პრემიერ-მინისტრმა ბიძინა ივანიშვილმა ბათუმში, თავდაცვისა და უსაფრთხოების კონფერენციაზე სიტყვით გამოსვლისას განაცხადა.
მისივე განმარტებით, საქართველოს მთავარი პოლიტიკური ძალები ერთიანდებიან ქვეყნის ჩრდილოატლანტიკურ ალიანსში გაწევრიანების საკითხზე.
,,გარწმუნებთ, საქართველოს ხელისუფლებას აქვს მტკიცე პოლიტიკური ნება, არ გადაუხვიოს ამ გზიდან - ჩვენ ამ გზიდან არ გადავუხვევთ. ჩვენ ხელისუფლებაში მოვედით სწორედ იმიტომ, რომ საქართველოში გაგრძელდეს ნორმალური განვითარების კურსი, ჩვენ ხელისუფლებაში მოვედით იმისთვის, რომ საქართველო მსოფლიოს ღირსეული წევრი გახდეს. ძალიან მნიშვნელოვანია, რომ ამ გზაზე მხარს გვიჭერენ მეგობარი სახელმწიფოები", - განაცხადა ბიძინა ივანიშვილმა.