,,საქართველო ათოსანი ქვეყნიდან ერთოსან ქვეყნად ჩამოყალიბდა", _განაცხადა მიხეილ სააკაშვილმა ჟურნალისტებთან შეხვედრისას.
,, რამდენიმე ხნის წინ ლუქსემბურგში, ევროკავშირის საგარეო საქმეთა მინისტრების სხდომა გაიმართა, რომლებიც იღებენ გადაწყვეტილებას ქვეყნების ევროკავშირში გაერთიანების შესახებ. იქ საქართველოს საკითხი განიხილეს. თქვენ ნახეთ საგარეო საქმეთა მინისტრების განცხადებები, სადაც ისინი გვაფრთხილებენ, რომ საქართველო და უკრაინა პრობლემატური ქვეყნებია. ზუსტად იგივე მინისტრები, ორი წლის წინ ამბობდნენ, რომ საქართველო ევროკავშირში ინტეგრაციის კუთხით მოწინავე ქვეყანაა. დღეს, ორი წლის თავზე, რა უბედურება გავაკეთეთ ისეთი, რომ ხუთოსნებიდან ოროსნები გავხდით, თუ ათოსნობიდან ერთოსნობამდე ჩამოვედით. რას დაემსგავსა ჩვენი საგარეო პოლიტიკა?! ჩვენ ვიყავით მოწინავე, ყველგან გვაქებდნენ, ცაში ავყავდით - დაე, ამას სიცრუით ცხოვრება უწოდოს ვინმემ. ახლა დაფაზე ვყავართ გამოკრული, როგორც ერთ-ერთი პრობლემატური ქვეყანა ევროპული ინტეგრაციის თვალსაზრისით. ვფიქრობ, ეს უნდა იყოს ყველა პოლიტიკური ორგანიზაციის შეშფოთების წყარო. მე მიმაჩნია, რომ მთავრობამაც პრეზიდენტის ინსტიტუტმაც, ადგილობრივმა თვითმმართველობამაც, ყველა პოლიტიკურმა პარტიამ უნდა იმუშაოს იმისათვის, რომ საქართველო გამოვიდეს ამ სახიფათო ზონიდან, რადგან თუ ევროკავშირის მინისტრებმა თქვეს, რომ საქართველოს ინტეგრაცია შეჩერდეს, ეს არის მრავალწლიანი საქართველოს უკან დახევა და მგლის ხახაში გადაგდება", _განაცხადა მიხეილ სააკაშვილმა.
