,,ჩვენ არ ვაპირებთ ჩავერიოთ ყოფილი მაღალჩინოსნების სასამართლო პროცესებში", _განაცხადა ჟურნალისტებთან ნატოს გენერალურმა მდივანმა ანდრეს ფოგ რასმუსენმა საქართველოში ბოლო დროს ყოფილი მაღალჩინოსნების დაკავების კომენტირებისას.
,,ჩვენ თვალს ვადევნებთ ბოლო დროს განხორციელებულ დაკავებებს, როდესაც დააკავეს ყოფილი მთავრობის წევრები და ჩვენ ერთგვარ შეშფოთებას გამოვხატავთ. მე მთავრობის წარმომადგენლებთან მქონდა საუბარი რა დროსაც ხაზი გავუსვი იმას, რომ ჩვენ ხელისუფლებისა და სასამართლოსგან მოველით იმას, რომ ბოლომდე გაითვალისწინონ სამართლის უზენაესობის ფუნდამენტური პრინციპები და უზრუნველყონ, რომ ამ ადამიანების მიმართ შესაბამისი პროცესი გაიმართოს. ჩვენ არ ვაპირებთ ჩავერიოთ ამ სასამართლო პროცესებში, მაგრამ ის ძალიან დიდი მნიშვნელობისაა, რადგან თავიდან ავიცილოთ თუნდაც იმის აღქმა, რომ ეს სასამართლო პროცესები პოლიტიკურად მოტივირებულია", _განაცხადა ჟურნალისტებთან ანდრეს ფოგ რასმუსენმა.