,,საქართველო ნატოს უფრო უახლოვდება", _ განაცხადა მიხეილ სააკაშვილმა ავლაბრის რეზიდენციაში ნატოს გენერალურ მდივან ანდრეს ფოგ რასმუსენთან ერთად გამართულ ერთობლივ პრესკონფერენციაზე.
,,ხშირად ამბობენ, რომ საქართველოს ნატოში გაწევრიანება ჭიანურდება და ასეთი პროპაგანდა წამოვიდა, რომ ნატო არის ჰორიზონტი და რაც უფრო უახლოვდები უფრო გშორდება, მე მინდა სკეპტიკოსებს ვუთხრა, რომ ეს ასე არ არის, რადგან ნატოს გენერალური მდივნის ყველა ვიზიტი, ყველა ჩრდილოატლანტიკური საბჭოს ჩამოსვლა და უშუალოდ ჩრდილოატლანტიკური საბჭო აქ ჩამოვიდა 2008 წლის ომის შემდეგ და ყველა მინისტერიალი რომელიც ბრიუსელში იმართება, ეს არის საქართველოს მეტი ინტეგრაცია ისტორიაში ყველაზე გავლენიან, ყველაზე ძლიერ სამხედრო პოლიტიკურ ორგანიზაციაში, ეს არის მეტი დაახლოება, არა იურიდიულად, მაგრამ პოლიტიკურად უფრო მეტი უსაფრთხოების გარანტია საქართველოსთვის, ეს არის მეტი რწმენის გამოხატვა საქართველოს გრძელვადიანი მომავლისთვის", -განაცხადა მიხეილ სააკაშვილმა.
