„ჩვენ გავაგრძელებთ საქართველოში მიმდინარე მოვლენებზე ყურადღებით დაკვირვებას, მათ შორის დავაკვირდებით ოქტომბერში გასამართ საპრეზიდენტო არჩევნებს". განაცხადა ნატოს გენერალურმა მდივანმა ანდერს ფოგ რასმუსენმა პარლამენტის ეროვნულ ბიბლიოთეკაში სიტყვით გამოსვლისას.
„თავისუფალი, დამოუკიდებელი არჩევნები იქნება ის შესაძლებლობა, რომელიც ხელახლა დაამტკიცებს, რომ საქართველოში არსებობს დემოკრატიული ფასეულობები და მისი სვლა ნატოსკენ არის გამართლებული", _ განაცხადა რასმუსენმა და აღნიშნა, რომ დემოკრატია უფრო მეტია ვიდრე საარჩენო ყუთი და დემოკრატია უფრო მეტია ვიდრე უმრავლესობის ძალა.
„დაღვინებული დემოკრატია არის იმის დემონსტრირება, რომ პლურალიზმი, პოლიტიკური კოჰაბიტაცია, ტოლერანტობა და უმცირესობათა დაცვა არის მტკიცედ განხორციელებული და უზრუნველყოფილი ქვეყანაში", _ განაცხადა რასმუსენმა.
