ფინანსთა სამინისტროს საგამოძიებო სამსახურის მიერ გავრცელებულ განცხადებას, რომლის მიხედვით თბილისის მერიასა და საკრებულოს რამდენიმე თანამშომელს ბიუჯეტის არამიზნობრივად გაფლანგვასა და მითვისება ედება ბრალი. საპარლამენტო უმცირესობა საგანგებო ბრიფინგით ქუთაისიდან ეხმაურება.
პარლამენტში ფრაქცია „ნაციონალური მოძრაობის" თავმჯდომარის გიორგი გაბაშვილის თქმით, ამ ადამიანების დაკავება მოხდა სპეცოპარაციის ჩატარებით, რაც პოლიტიკურ ოპოზიციაზე თავდასხმაა.
„სპეცოპერაცია, რომელიც თბილისში მოხდა და 30 ადამიანი დააკავეს, ეს იყო თავდასხმა პოლიტიკურ ოპოზიციაზე. ეს არის გაგრძელება ბიძინა ივანიშვილის დაპირებისა, რომლითაც მას სურს, რომ „ნაციონალური მოძრაობა," როგორც პოლიტიკური პარტია განადგურდეს და გაქრეს პოლიტიკური სიბრტყიდან. საგულისხმოა ისიც, რომ ისინი არ მოერიდნენ, „ნატოს" გენერალური მდივნის რასმუსენის ვიზიტსაც,"-ამბობს გიორგი გაბაშვილი.
