ნატოს გენერალურმა მდივანმა ანდერს ფოგ რასმუსენმა პარლამენტის ეროვნულ ბიბლიოთეკაში სტუდენტებთან შეხვედრისას 17 მაისის მოვლენებზე კომენტარი კიდევ ერთხელ გააკეთა და მას „სისასტიკე" უწოდა. რასმუსენმა ასევე განაცხადა, რომ საქართველოში მომავალში მეტი ტოლერანტობის იმედს იტოვებს.
„იმედი მაქვს, რომ უფრო მეტ ტოლერანტობა იქნება მომავალში. სისასტიკე ვნახეთ გასულ თვეში, 17 მაისს თბილისის ქუჩებში. დემოკრატიულ საზოგადოებაში უფლება, რომ საზოგადოება ქუჩაში თავისუფლად შეიკრიბოს და საკუთარი მოსაზრებები გამოთქვას ეს არის ფუნდამენტალური დემოკრატიული უფლება ადამიანისა", _ განაცხადა რასმუსენმა და აღნიშნა, რომ ადამიანის უფლებები, მათ შორის უმცირესობათა უფლებები არ არის ეს დასავლური ფასეულობები, ეს არის უნივერსალური ფასეულობები და მათი დაცვა ფუნდამენტალურია საქართველოს ევროატლანტიკური მისწრაფებებისთვის.
„იმიტომ, რომ ამ ფასეულობების - დამოუკიდებლობის, დემოკრატიის, თავისუფლების, კანონის უზენაესობის ფასეულობების - გარდა ნატოს მიაჩნია, რომ ადამიანის უფლებები, მათ შორის უმცირესობათა უფლებები, არ არის დასავლური ფასეულობები, ეს არის უნივერსალური ფასეულობები.
ამიტომ მათი დაცვა და პატივისცემა ფუნდამენტალურია საქართველოს ევროატლანტიკური მისწრაფებებისთვის", _ აცხადებს ნატოს გენმდივანი.