,,ელჩებს პესიმისტის პოზიციიდან ველაპარაკე და ნატო-ს გაუბედაობაზე ვესაუბრე', _განაცხადა ჟურნალისტებთან რადიო "თავისუფლების'' სამხედრო მიმომხილველმა კობა ლიკლიკაძემ ნატო-ს ელჩებთან შეხვედრის შემდეგ.
მისივე განცხადებით, ელჩებმა ის დაარწმუნეს, რომ ,,პესიმისტებმა უნდა შეიცვალონ პოზიცია და ოპტიმისტებს აქვთ უფლება, იყონ ოპტიმისტები".
"ეს იყო ქართული არასამთავრობო ორგანიზაციების და რამდენიმე ჟურნალისტის შეხვედრა ნატო-ს ცხრა წევრი სახელმწიფოს ელჩებთან და ნატო-ს გენერალური მდივნის მოადგილე ალექსანდრე ვერშბოუსთან. მე მათ პესიმისტის პოზიციიდან ველაპარაკე და ვუთხარი, რომ გარდა შიდა ფაქტორებისა, გარდა რუსეთის ფაქტორებისა, არის ერთი ხელისშემშლელი ფაქტორიც - ეს არის ნატო-ს გაუბედაობა, ყოყმანი, რომ მიიღოს გადაწყვეტილება, რათა საქართველოს მისცეს ცხადი საგზაო რუკა და არ შემოიფარგლებოდეს მხოლოდ კომპლიმენტებით, მიღწეული პროგრესის და იმის აღნიშვნით, რომ ნატო-ს კარი არის ღია",- განაცხადა ლიკლიკაძემ.
