,,რუსეთთან პრობლემური საკითხების მოგვარება ნატოს წევრ სახელმწიფოებთან თანამშრომლობით შეგვიძლია", _განაცხადა პარლამენტის თავმჯდომარემ დავით უსუფაშვილმა ჩრდილოატლანტიკური საბჭოს წევრებთან შეხვედრის შემდეგ.
,,რუსეთის საკითხზე გვქონდა საუბარი. ნატოსთან ურთიერთობა გვჭირდება და ეს არის ჩვენი მთავარი ამოცანა და მიზანი, ჩვენ გვჭირდება უსაფრთხოების ქოლგა, ეს არის გარდაუვალი ამოცანა ჩვენი სახელმწიფოებრიობის შესანარჩუნებლად. ამიტომ მადლობა მოვახსენეთ გენერალურ მდივანს მისი განცხადებისა და პოზიციისთვის, კონკრეტულად საოკუპაციო ზოლთან დაკავშირებულ საკითხებზე. ჩვენ შევთანხმდით, რომ ეს იქნება არა მხოლოდ ნატოს გენერალური მდივნის პოზიცია, არამედ ნატოს წევრი სახელმწიფოების პოზიცია. ჩვენ თვალი უნდა გავუსწოროთ რეალობას და დავინახოთ, რუსეთთან ყველა სადავო საკითხის მოგვარება ჩვენ შეგვიძლია მხოლოდ ამ სახელმწიფოებთან მჭიდრო თანამშრომლობით", _განაცხადა უსუფაშვილმა.