„ჟენევის საერთაშორისო მოლაპარაკებათა მორიგი რაუნდის პერსპექტივა, რომელიც ოქტომბრის შუა რიცხვებში დაიგეგმა ბუნდოვანი ხდება, თუმცა რუსეთის ფედერაცია იმედს იტოვებს, რომ კონსტრუქციული მიდგომა გაიმარჯვებს", _ აცხადებს რუსეთის საგარეო საქმეთა მინისტრის მოადგილე, ჟენევის მოლაპარაკებებზე რუსული დელეგაციის ხელმძღვანელი გრიგორი კარასინი.

ამასთან ერთად, კარასინმა აღნიშნა, რომ სამუშაოს მიმდინარეობისას შექმნილია სიძნელეები.

„ჟენევის საერთაშორისო მოლაპარაკებათა შეწყვეტის საფრთხე სულ უფრო და უფრო რეალურია, იმიტომ, რომ ე.წ. ცეკვა ერთ ადგილას უკვე მესამე რაუნდის განმავლობაში გრძელდება და მხარეები, რომლებიც მომართულნი არიან წინსვლისათვის, რაქტიკულ საკითხებში ხელოვნურად მოგონილ წინააღმდეგობებს აწყდებიან, რომლებიც უბრალოდ არ იძლევიან იმის საშულებას, რომ დისკუსია განვითარდეს", _ განაცხადა კარასინმა.

მისივე თქმით, მისი აზრით, მოლაპარაკებების თანათავმჯდომარეები, რომლებიც რეგიონში სექტემბერში გაემგზავრებიან, ჟენევის დისკუსიების მომავალ ბედზე იმსჯელებენ", _ განაცხადა კარასინმა და ხაზგასმით აღნიშნა, რომ მოსკოვი აღნიშნულ ფორმატს რეგიონში სტაბილურობის მხარდაჭერისათვის უკიდურესად მნიშვნელოვნად მიიჩნევს.