მინდა ხაზი გავუსვა, რომ კორუმპირებული იქნება თუ კრიმინალური - ოფიციალური პირები, ყველა მათგანი სამართალში უნდა მიეცეს, მაგრამ ეს არასოდეს არ უნდა გახდეს ისეთი ქმედება, რომელიც პოლიტიკურ რევანშს გულისხმობს. განაცხადა ნატოს გენერალურმა მდივანმა ანდერს ფოგ რასმუსენმა პარლამენტის ეროვნულ ბიბლიოთეკაში სტუდენტებთან შეხვედრისას სიტყვით გამოსვლისას და აღნიშნ, რომ ჩრდილო ატლანტიკურ ალიანსს გააჩნია გარკვეული წუხილი -„მაგალითად ეს არის წინა მთავრობის ოფიციალურ პირებზე გარკვეული ქმედებები. მე პოლიტიკოსის რანგში ეს უთანხმოება არ მაწუხებს, მაგრამ მე მაწუხებს საქართველოში თუ არ იქნებოდა უთანხმოება, იმიტომ, რომ მხოლოდ დიქტატურის შემთხვევაში არსებობს ყველაფერზე შეთანხმება", _ აცხადებს რასმუსენი და აღნიშნავს, რომ ამ ყველაფრის მიუხედავად, საქართველოს არა აქვს იმის ფუფუნება, რომ შერჩევითი სამართალი არსებობდეს ქვეყანაში.
„აქვე მინდა ხაზი გავუსვა, რომ კორუმპირებული იქნება თუ კრიმინალური ოფიციალური პირები, ყველა მათგანი სამართალში უნდა მიეცეს, მაგრამ ეს არასოდეს არ უნდა გახდეს ან არ უნდა იყო მიჩნეული იმ ქმედებად, რომელიც პოლიტიკურ რევანშს გულკისხმობს.
საქართველოს მთავრობა ნამდვილად კისრულობს ვალდებულებას, რომ შესაბამისი პროცესი განხორციელდეს პოლიტიკურად დამოუკიდებელი, ძლიერი სასამართლო სისტემის საშუალებით და საზოგადოებას ჰქონდეს მათი რწმენა", _ აცხადებს რასმუსენი.