ისრაელის სახელმწიფოსთან, შესაძლებელია, სავიზო რეჟიმი გაუქმდეს. როგორც ჟურნალისტებთან პრემიერ-მინისტრმა ბიძინა ივანიშვილმა ისრაელში ვიზიტის შეფასებისას განაცხადა მან ისრაელში ყოფნისას მიიღო იმაზე, მეტი ვიდრე ელოდა.
"ვფიქრობ, რომ ეს იყო ჩემი ყველაზე წარმატებული ვიზიტი. ჩემი ყველა ვიზიტი წარმატებული იყო, მაგრამ ისრაელში მივიღე იმაზე მეტი რასაც ველოდი. ყველა შეხვედრა საინტერესო იყო, დაწყებული პრეზიდენტისგან, თუმცა ყველაზე საინტერესო მაინც პრემიერ-მინისტრთან შეხვედრა იყო, რომელიც გაგრძელდა დაგეგმილზე 2-ჯერ მეტხანს, დაახლოებით, საათი და 45 წუთი პირისპირ საუბარი გვქონდა. მე მგონი, ჩვენ ოცნების დონეზეც რაც გვქონდა ჩვენ მოვახერხებთ ორ სახელმწიფოს შორის ურთიერთობის აღდგენას, ჩვენ მოვახერხებთ თანამშრომლობას ყველა სფეროში. საქართველო ჭეშმარიტად გახდება ისრაელის მეგობარი ქვეყანა. პრემიერთან ვისაუბრეთ იმაზე მათ შორის დაგეგმილი რაც არ იყო, სავაჭრო შეთანხმებებზეც დაიწყებენ ჯგუფები მუშაობას, რათა ორ ქვეყანას შორის თავისუფალი სავაჭრო რეჟიმი ჩამოყალიბდეს. ვისაუბრეთ ვიზების გაიოლებასა და გაუქმებაზე. ეს პროცესიც დაიწყება ძალიან სწრაფად, პრემიერმა ჩემთან ერთად გასცა ამის განკარგულება", - განაცხადა ბიძინა ივანიშვილმა.
