ჟენევაში საერთაშორისო მოლაპარაკებათა 24-ე რაუნდი მიმდინარეობს. ე.წ. სამხრეთ ოსური დელეგაციის ხელმძღვანელის მურატ ჯიოევის თქმით, მოლაპარაკებებზე გუშინ საინფორმაციო სესია უკვე ჩატარდა, რომელზეც განიხილეს „ სამხრეთ ოსეთის, საქართველოსა და აფხაზეთის პრეზიდენტების მიერ ძალის გამოუყენებლობის შესახებ ცალმხრივად გაკეთებული განცხადებები".
ამას გარდა, აფხაზ და ოს სეპარატისტთა დელეგაციებმა ასევე ორმხრივი შეხვედრები გამართეს მოლაპარაკებათა თანათავმჯდომარეებთან სადაც სეპარატისტებმა აღნიშნეს, რომ ძალის გამოუყენებლობის შესახებ გაკეთებული ცალმხრივი განცხადებები შესაძლოა განხილულ იქნეს მხოლოდ როგორც შუალედური ნაბიჯი ორმხრივი, იურიდიულად სავალდებულო ხელშეკრულების გაფორმების გზაზე მყარი საერთაშორისო გარანტიებით.
დღეს ჟენევაში მოლაპარაკებები განახლდა. დღევანდელი სამუშაო დღის წესრიგი უსაფრთხოების საკითხების განხილვას ეხება.