საქართველომ უკრაინაში დონეცკსა და ოდესაში გენერალური საკონსულოების გადაწყვეტილება მიიღო, აღნიშნულის შესახებ განცხადება საქართველოს პრეზიდენტმა უკრაინის ვიცე-პრემიერთან ალექსანდრე ვილკულთან შეხვედრისას გააკეთა. ქვეყნის პირველი პირის განმარტებით, თუ კი საგარეო საქმეთა სამინისტრომ ნოტის გაგზავნის გადაწყვეტილება მიიღო, ეს იმას ნიშნავს, რომ საქართველო უკრაინაში გენერალურ საკონსულოებს აუქმებს. თუმც როგორც პრეზიდენტს აუხსნეს ეს არ ნიშნავს გაუქმებას, უბრალოდ საგარეო უწყება საკონსულოებს დონეს უსუსტებს.
„ახლა არის დრო უკრაინასთან ურთიერთობის დონის დაქვეითება საქართველოსთვის? ვინ მიიღო ეს ჭკვიანური გადაწყვეტილება? საბავშვო ბაღში არა ვართ მე მგონი. გადაწყვეტილებას იღებენ იმის გამო, რომ პრეზიდენტის დანიშნული გენერალური კონსული შეიცვალოს საგარეო საქმეთა სამინისტროს მიერ დანიშნული კონსულით. იქნებ ჩემთვის ეკითხათ და მე მოვხსნიდი ამ გენერალურ კონსულს. რას გვექიშპებიან? რას გავს ეს? ანუ გენერალურ საკონსულოს ვაუქმებთ, ჩვენს მთავარ პარტნიორთან უკრაინასთან? ვადებლებთ დონეს მხოლოდ იმიტომ, რომ მე ჯინში ჩამიდგეს ვინმე? გენკონსულებს არ ვიცნობ, მაგრამ გამიგია, რომ კარგად მუშაობენ. ვფიქრობ, რომ ეს არის უპასუხისმგებლო, ანტისახელმწიფოებრივი გადაწყვეტილება, იმ დროს როცა უკრაინა გვჭირდება ჰაერივით. ეს არის წარმოუდგენელი ანტისახელმწიფოებრივი ქმედება. მინდა ყველამ გაიგოს ეს არის სტილი, რომელიც ასუსებს ქართულ სახელმწიფოებრიობას"- განაცხადა მიხეილ სააკაშვილმა.