,ვანო მერაბიშვილმა სანდრო გირგვლიანის საქმის გამოძიება დათა ახალაიას მიანდო, რაც ბევრ ეჭვს აჩენს", _განაცხადა ჟურნალისტებთან იუსტიციის მინისტრმა თეა წულუკიანმა ვანო მერაბიშვილისთვის ბრალის დამძიმების კომენტირებისას.
,,მერაბიშვილს შეეძლო გარკვეული ტიპის უკანონო მიმართულება მიეცა გირგვლიანის საქმის გამოძიებისთვის. ჯერ კიდევ სტრასბურგის მიერ საქმის განხილვისას გამოიკვეთა ის, რომ მიუხედავად იმისა, რომ "შარდენის ბარში" მაგიდასთან ისხდნენ ის პირები, ვინც ისხდნენ, ვანო მერაბიშვილმა დაუშვა ის ფაქტი, რომელსაც ვერავინ უარყოფს და გამოძიება 2006 წლის მარტიდან დათა ახალაიას მიანდო, რომელიც ამავე დროს იყო სუფრის წევრი. აქედან გამომდინარეობს ყველა ეჭვი, რომელიც მოხსენიებულია გუშინდელი ბრალის დადგენილებაში, რომლის დასასაბუთებლად, დარწმუნებული ვარ, გამოძიებას სათანადო მტკიცებულებები აქვს. ახლა საჭიროა, დაცვამ შეაგროვოს მტკიცებულებები და შემდეგ სასამართლო გადაწყვეტს რომელი მხარეა მართალი", - განაცხადა თეა წულუკიანმა.
