სამეგრელოში აღმოჩენილი ფარული იარაღის სამალავები საქართველოს თავდაცვის სამინისტროს შეიარაღებას არ ეკუთვნის.ამის შესახებ თავდაცვის მინისტრმა ირაკლი ალასანიამ განაცხადა.
თავდაცვის უწყების ხელმძღვანელის თქმით, ყველა ტიპის შეიარაღება, მათ შორის ასაფეთქებელი ნივთიერებებიც, რაც აუცილებელია საქართველოს თავდაცვისუნარიანობის ამაღლებისთვის, აღრიცხული და სრული კონტროლის ქვეშაა.
„როგორც იკვეთება, აღმოჩენილი სამალავები არის არალეგალური იარაღის დეპო, სადაც გამოძიებისთვის ბევრი ახალი გარემოება იქნება აღმოჩენილი", - განაცხადა ალასანიამ.
