ევროსაბჭოში საქართველოს შესახებ დებატები აღარ გაიმართება. როგორც სტრასბურგში მყოფმა პარლამენტის ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარემ ეკა ბესელიამ განაცხადა ის, რომ საქართველოს შესახებ სტრასბურგში დებატები აღარ გაიმართება ქართველი ხალხის დიდი გამარჯვებაა.
,,ეს არის ძალიან დიდი მარცხი ,,ნაციონალური მოძრაობის" და მათი მხარდამჭერების, ხოლო დიდი გამარჯვებაა ქართული დელეგაციის და მათი მხარდამჭერების. ,,სახალხო პარტიასა" და ,,ნაციონალური მოძრაობის" დელეგაციას სურდათ, რომ ფორმულირება ყოფილიყო საქართველოში გაუარესებული პოლიტიკური ვითარების თაობაზე რაც ბიურომ არ გაიზიარა და სესიაზე ძალიან დიდი უპირატესობით არ დაამტკიცა ეს საკითხი", _განაცხადა ჟურნალისტებთან ეკა ბესელიამ.
შეგახსენებთ, რომ ევროპის საბჭოს საპარლამენტო ასამბლეის ზაფხულის სესიაზე "საქართველოში სიტუაციის გაურესების შესახებ" დებატების გამართვის ინიციატივით ევროპის სახალხო პარტია გამოვიდა.
მასალის გამოყენების პირობები