სექტემბრიდან სკოლების ადმინისტრაციის თანამშრომლებს ხელფასი გაეზრდებათ. ამის შესახებ, განათლებისა და მეცნიერების მინისტრმა გიორგი მარგველაშვილმა ჟურნალისტებთან შეხვედრისას განაცხადა.
მისივე თქმით, ყველა მასწავლებელი წინმსწრებად მიიღებს შვებულების თანხას.
,,სკოლის დირექტორებს ჰქონდათ 600 ლარი, ახლა ექნებათ 660-ლარი. დირექტორის მოადგილეებს ქონდათ 335-ლარი, ახლა ექნებათ 400-ლარი. სკოლის ბუღალტერს ჰქონდა 235 ლარი, ახლა ექნება 320-ლარი და ა.შ. ასევე 2013 წლის ივლისის დასაწყისიდან ყველა მასწავლებელი წინსწრებით მიიღებს შვებულების თანხას და მათ ექნებათ შესაძლებლობა რომ 2 თვის განმავლობაში კარგად დაისვენონ და მოემზადონ ახალი სასწავლო წლისთვის", - განაცხადა მარგველაშვილმა.
მისივე განმატებით, ზაფხულში 600-მდე სკოლის რეაბილიტაცია და რამდენიმე სკოლის მშენებლობაა დაგეგმილი.