ბრიტანეთის ხელისუფლებამ ამოუცნობ მფრინავ ობიექტებზე ასობით მასალა გაამჟღავნა, რომელიც მათ მეტად აღარ გამოადგებათ. თავდაცვის სამინისტრომ, რომელიც დაკავებული იყო ამოუცნობი მფრინავი ობიექტების შესწავლით გადაწყვიტა გაესაჯაროებინა მასალები იმ მიზნით, რომ ყველა დარწმუნდეს: უცხოპლანეტელები არ არსებობენ და ისინი არანაირ საფრთხეს არ წარმოადგენენ. დოკუმენტები ხელმისაწვდომია ქვეყნის თავდაცვის სამინისტროს საიტზე.
გამოქვეყნდა დაახლებით 25 საქაღალდე, რომელიც ამო-ს შესახებ 700-ზე მეტ დოკუმენტს მოიცავს, დაკვირვება წარმოებდა 2007-2009 წლებში.
ეს არის იმ ადამიანების შეტყობინება, რომლებიც თავად გახდნენ "უცნაური" მოვლენის მომსწრენი. ერთ-ერთი ყველაზე ორიგინალური - ბავშვს ეკუთვნის, იგი წერს იმის შესახებ, რომ დაინახა ცაზე საეჭვი ნათება და თან ურთავს ნახატს უცხოპლანეტელის გამოსახულებით, რომელიც კოსმოსური ხომალდიდან ხელს აფრიალებს.
მათ შორის არის ინგლისელის შეტყობინება, რომელიც ამტკიცებს, რომ თითქოსდა უცხოპლანეტელთან რამოდენიმე წელია ცხოვრობს, მან ლაშქრობის დროს გაიტაცა მისი ძაღლი, მანქანა და კარავი. გვხდება ჩანაწრები იმის შესახებ, რომ ამო დაინახეს ლონდონის პარლამენტის შენობის თავზე, ასევე ცნობილი სტოუნჰენჯის რაიონში.
"ვიმედოვნებ "საიდუმლო მასალებმა" ისევე გაამხიარულა მკითხველები, როგორც ოდესღაც ჩვენ" - განაცხადა სპეც განყოფილების თანამშრომელმა ნიკ პოუპმა.
ბრიტანეთის ხელისუფლებამ ამო-ს არსებობის შესახებ გამოძიება 1952 წელს დაიწყო.
ამ დროის განმავლობაში ყველაზე მეტი განაცხადი უცხოპლანეტელების "შემოჭრაზე" 1978 წელს (750 განცხადება) მას შემდეგ შემოვიდა, რაც უცნაურ მოვლენებზე კინოთეატრებში ნაჩვენები იყო სტივენ სპილბერგის ფილმი "მესამე ხარისხის ახლო კონტაქტი".
მეორე "პიკი" 2009 წელზე მოდის, როცა უწყებამ დაამუშავა 650 ზარი და წერილი. მათი უმრავლესობა მოიცავდა ინფორმაციას "ნათებად" ობიექტზე. ერთ-ერთ შეტყობინებაში ნათქვამი იყო, რომ ცაზე "რაღაც ისე ანათებდა, როგორც ანგელოზი"
2009 წელს შტყობინებების მატება ექსპერტებმა დაუკავშირეს პოპულარულ ჩინურ ფანრებს. "ბევრი ჩანაწერი ცაზე ნანახი უცნაური ფორმისა და ნარინჯისფერი ამოუცნობი ობიექტის შესახებ ძალზე წააგავდა ჩინურ ფარნებს. თუმცა თვითმხილველი მას ვერ ცნობდა"- განაცხადა წიგნის "დოკუმენტები ამო-ს შესახებ" ავტორმა დევიდ კლერკმა, რომელიც ეყრდნობა თავდაცვის სამინისტროს წინა კვლევებს.
ადრე აშშ-ს გამოძიების ფედერალურმა ბიურომ გადაწყვიტა პირველად გაეკეთებინა კომენტარი ეგრეთ წოდებული "როზუელის ინციდენტის" შესახებ, რომელიც დღესაც უკვე 66 წლის შემდეგაც აშფოთებს უფოლოგების და საკულტო სერიალის X-Files ფანატიკოსთა გონებას. ეს ერთგვერდიანი მემორანდუმი დათრიღებული 1950 წლის 22 მარტით, რომლის ადრესატი გამოძიების ფედერალური ბიუროს იმჟამინდელი დირექტორი ლეგენდარული ედგარ გუვერი იყო, თავისუფალი ინფორმაციის კანონის შესაბამისად გამჟღავნდა და 2011 წელს FBI Vault სპეციალურ ელექტრონულ არქივზე გამოქვეყნდა.
უკანასკნელი ორი წლის განმავლობაში მას დაახლოებით მილიონი ნახვა აქვს, და ცხადია სწორედ საზოგადოების დიდმა ინტერესმა და მედია საშუალებების არასწორმა ინტერპრეტაციამ აიძულა ბიურო განმარტებებით გამოსულიყო.
