ფინანსთა მინისტრი 2013 წლის I კვარტალში შემოსული ინვესტიციებით კმაყოფილია. როგორც ნოდარ ხადურმა განაცხადა, პირდაპირი უცხოური ინვესტიციების შემოდინება ქვეყანაში უჩვეულოდ მაღალი იყო.
„დაახლოებით 240 მლნ დოლარი იყო ინვესტირება. მეორე, მესამე კვარტალში იმედია, რომ ინვესტიციების მოცულობა კიდევ უფრო გაიზრდება, თუ გავითვალისწინებთ იმასაც, რომ მესამე კვარტლიდან რეალურად ამოქმედდება საინვესტიციო ფონდიც"- განაცხადა ფინანსთა მინისტრმა.
შეგახსენებთ, რომ „საქსტატის" წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2013 წლის I კვარტალში 226 მლნ. აშშ დოლარი შეადგინა. 2012 წლის I კვარტალში ამ მაჩვენებელმა 269 მლნ. აშშ დოლარი , II კვარტალში 219 მლნ. აშშ დოლარი, III კვარტალში 195 მლნ. აშშ დოლარი და IV კვარტალში 181 მლნ. აშშ დოლარი შეადგინა.
ქვემოთ მოცემული დიაგრამა ასახავს საქართველოში განხორციელებული პირდაპირი უცხოური ინვესტიციების დინამიკას 2011-2013 წლებში.
