ამიერიდან შემოწირულობად ფულის გარდა საქონელიც ჩაითვლება. როგორც დღეს ფინანსთა მინისტრმა ნოდარ ხადურმა განაცხადა, სამინისტროს უკვე მომზადებული აქვს „საგადასახადო კოდექსში" შესატანი ცვლილებები, რომელიც მთავრობამ უკვე მოიწონა და მალე საკანონმდებლო ორგანოს გადაეგზავნება.
„თუ კი აქამდე შემოწირულობა იყო მხოლოდ ფულადი სახით, ამიერიდან იქნება როგორც ფულადი ასევე საქონელი. იმავდროულად ძალიან მნიშვნელოვანია, რომ შემოწირულობა შეიძლება იყოს მიწაც, რომელიც საქველმოქმედო ორგანიზაციამ შეიძლება გამოიყენოს საკუთარი მიზნებისთვის, ვთქვათ რეაბილიტაციის ცენტრის ასაშენებლად და აშ."- განაცხადა ხადურმა.
