სირიის პრეზიდენტმა ბაშარ ასადმა არაბულ ტელეარხთან "ალ მანართან" საუბარში განაცხადა, რომ მისმა ქვეყანამ რუსეთისგან საზენიტო-სარაკეტო კომპლექსების "ს 300" -ის პირველი პარტია მიიღო.
მისივე თქმით, სამხედრო ტექნიკის შემდეგი პარტია "ძალიან მალე" ჩავა სირიაში.
ამასთან ერთად, ასადმა დაადასტურა, რომ მომავალში სირია ისრაელიდან მომავალ ყველა იერიშს პასუხს გასცემს.
შეგახსენებთ, რომ ისრაელის თავდაცვის მინისტრმა განაცხადა, რომ რუსეთის მიერ სირიისათვის სარაკეტო კომპლექსების მიწოდება - ეს ჯერ ჯერობით მხოლოდ მუქარაა. მან განაცხადა, რომ შეთანხმება არ სრულდება და მიწოდება ჯერ დაწყებული არ არის. "მაგრამ თუ მათ ეს გააკეთეს, ჩვენ ვიცით როგორ უნდა მოვიქცეთ", _ აცხადებდა ისრაელის თავდაცვის მინისტრი.
მასალის გამოყენების პირობები