Georgian Airways-ი კიევის მიმართულებით ავიარეისებს აჩერებს. როგორც სააგენტო „ჯი-ეიჩ-ენს" ავიაკომპანიაში განუცხადეს, კიევის მიმართულებით Georgian Airways-ი („აირზენა") კომერციულ გადატვირთვებს წყვეტს, რადგანაც ის კომპანიისთვის მოგმებიანი აღარ არის. ავიაკომპანიაში განმარტავენ, რომ თბილისი-კიევის მიმართულებით ავიარეისები უკვე შეწყდა, ხოლო ბათუმიდან ფრენები უახლოეს დღეებში შეწყდება.
უკრაინული მედიის ინფორმაციით, Georgian Airways ამ მიმართულებაზე დარჩება როგორც „მარკეტინგული ავიაგადამზიდავი"
Georgian Airways გააჩნია საკუთარი სპეციალური კოდი - შეთანხმება „უკრაინის საერთაშორისო ავიახაზებთან" (МАУ) და „აეროსვიტთან", რაც მას საშუალებას აძლევს საკუთარი კოდის ქვეშ გაყიდოს ბილეთები პარტნიორების რეისებზე.
9 ნოემბრიდან უკრაინულმა ავიაგადამზიდავებმა უკრაინისა და საქართველოს დედაქალაქებს შორის ყოველკვირეული ფრენები 7-დან 10 რეისამდე გაზარდეს.
შეგახსენებთ, რომ Georgian Airways-მა კიევის მიმართულებით ფრენები ორ წლიანი პაუზის შემდეგ 2012 წელს განაახლა. ავიარეისებს კომპანია პატარა რეგიონალური თვითმფრინავით, Bombardier CRJ200-ით ასრულებდა, რომელიც 50 ადამიანზეა გათვლილი.
მანამდე კი თბილისი-კიევის რეისს ავიაკომპანია „იუტიეარ უკრაინა" ასრულებდა.
სეზონზე კიევიდან თბილისის მიმართულებით რეისებს 5 ავიაკომპანია: Georgian Airways, "იუტეარ უკრაინა", "WizzAir Ukraine", „მაი" და FlyGeorgia ასრულებდნენ.