უკრაინული ბიზნესი მზადაა საქართველოში ახალი აეროპორტის მშენებლობაში განახორციელოს ინვესტიციები, აღნიშნულის შესახებ განცხადება ფინანსთა მინისტრმა უმცირესობასთან შეხვედრისას გაკეთა. ნოდარ ხადურის განმარტებით ის უკვე შეხვდა უკრაინული ბიზნესის წარმომადგენლებს და ისინი დავით აღმაშენებლის სახელობის საერთაშორისო აეროპორტში ინვესტირებით ჯერ კიდევ წინა ხელისუფლების დროს იყვნენ დაინტერესებულნი.
„ისინი მზად იყვნენ აეროპორტის მშენებლობაში მიეღოთ მონაწილეობა და რაც მთავარია ისინი დღესაც მზად არიან ახალი აეროპორტი ააშენონ. თქვენ იცით გარკვეული შეზღუდვები არსებობს აეროპორტებიდან 150 კილომეტრის რადიუსზე_ აღნიშნა ნოდარ ხადურმა.
როგორც შეხვედრისას უმცირესობის წევრმა გიორგი კარბელაშვილმა განაცხადა, ქუთაისის აეროპორტთან მიმართებაში დიდი გეგმები არსებობს და ის მალე მისი საშულებით ტვირთების გატარება დაიწყება, რაშიც ამერიკელები ჩაერთვებიან, თუმც როგორც კარბელაშვილმა განმარტა აღნიშნული პროექტზე საუბარი მას ღიად არ შეუძლია.
მასალის გამოყენების პირობები
