ფინანსთა მინისსტრის ინფორმაციით, წინა ხელისუფლების პირობებში ზოგჯერ ელექტრონული აუქციონი გარკვეული პოლიტიკური ინტერესებისთვის გამოიყენებოდა.
,,არავისთვისაა უცნობი, რომ სამწუხაროდ, ელექტრონული აუქციონი გარკვეული პოლიტიკური ინტერესებისთვის გამოიყენებოდა, მაგრამ მე პირადად გპირდებით, რომ ასეთი რამ მომავალში აღარ მოხდება და ყველა პროცესი იქნება გამჭირვალე. კონკრეტული მაგალითებით რომ ვილაპარაკოთ, თავის დროზე „ქართული ოცნების" მომხრეთა სახლების გაყიდვის პროცესში ვერ მონაწილეობდნენ დაინტერესებული პირები. დღეისათვის კი გარანტია არის ის, რომ ქვეყანაში ასეთი ტიპის ნაბიჯები არ იდგმება და პოლიტიკური ანგარიშსწორებისთვის ეკონომიკური ქმედებები არ გამოიყენება. ასევე ყველაზე მნიშვნელოვანი არის ის, რომ მთავრობა პოლიტიკური ოპონენტების მიმართ არის ლოიალური"- განაცხადა ხადურმა, რომელიც დღეს ფინანსთა სამინისტროს მომსახურების სააგენტოს უნივერსალური პორტალი www.eauction.ge-ს 3 წლის იუბილეს დაესწრო.