Facebook-ი ებრაულ სანავიგაციო Waze-ს ყიდულობს. ებრაული სააგენტოების ინფორმაციით, ორ კომპანიას შორის გარიგება თითქმის ბოლომდეა მისული. გავრცელებული ინფორმაციით, აღნიშნული გარიგება ცუკერბერგის კომპანიას 500 მლნ დოლარიდან, 1 მლრდ დოლარამდე დაუჯდება.
ცოტა ხნის უკან კი ვრცელდებოდა ინფორმაცია, რომ Waze-ს 400 მლნ დოლარად Apple ყიდულობდა, თუმცა როგორც აღმოჩნდა Facebook-ი Waze-ში უფრო დიდ თანხას იხდის.
თუ Facebook-სა და Waze-ს შორის შეთანხმება საბოლოოდ შედგება, მაშინ Facebook-ი უკვე მესამე ებრაული კომპანიის მფლობელი გახდება.
როგორც ცნობილია, 2012 წელს Facebook-მა 60 მლნ დოლარად Face.com იყიდა, მანამდე კი 70 მლნ დოლარად Snaptu ჰქონდა ნაყიდი.
მასალის გამოყენების პირობები
