მიუნხენში მცირე და საშუალო ბიზნეს პალატის ხელმძღვანელის ვიზიტი მიმდინარეობს, სადაც კახა კოხრეიძე სპეციალურ სემინარს ესწრება.. როგორც სააგენტო „ჯი-ეიჩ-ენს" პალატიდან აცნობეს, 10-11 მაისს, მიუნხენში საერთაშორისო მიგრაციისა და განვითარების ცენტის პროგრამის - „ბიზნეს იდეები საქართველოსთვის" ფარგლებში სემინარი მიმდინარეობს, რომელშიც გერმანული მხარის მიწვევით საქართველოს მცირე და საშუალო საწარმოთა ასოციაციის პრეზიდენტი და მცირე და საშუალო ბიზნეს პალატის თავმჯდომარე - კახა კოხრეიძე მონაწილეობს. სემინარი გერმანიის ეკონომიკური თანამშრომლობისა და განვითარების სამინისტროს მიერ ფინანსდება და გერმანიაში მცხოვრები ქართველებისთვის ტარდება, რომლებსაც საქართველოში ბიზნესის დაწყება და საქმიანობის ქართულ ბაზარზე, ან გერმანულ-ქართულ ურთიერთანამშრომლობაზე მორგება სურთ. კახა კოხრეიძე, სემინარზე დღეს 10 მაისს მოხსენებით გამოვიდა და საქართველოში არსებულ ბიზნესგარემოზე, სოფლის მეურნეობის სფეროში მიმდინარე სიახლეებზე ისაუბრა, რაც კახა კოხრეიძის აზრით, ბიზნესიდეების განხილვასა და გამოცდილების გაზიარებას შეუწყობს ხელს.