ესპანეთის დედაქალაქ მადრიდის გარეუბანში საჩვენებელი ფრენების დროს, Saeta-ს მარკის მსუბუქი რეაქტიული თვითმფრინავი ჩამოვარდა.
გავრცელებული ინფორმაციით, თვითმფრინავს მართავდა ესპანეთის თავდაცვის მინისტრის 35 წლის თანამშემწე პედრო მორენესი. იგი დამწვრობის შედეგად გარდაიცვალა.
პილოტი კუატრო ვენტოსის აეროდრომის თავზე სხვადასხვა ფიგურებს ასრულებდა. ერთ-ერთი მორიგი ფიგურის შესრულების დროს Saeta აეროდრომის ტერიტორიაზე განლაგებულ ანგარს შეეჯახა და აფეთქდა.
აფეთქების შედეგად სხვადასხვა ხარისხის დამწვრობა ახლოს მყოფმა სამმა პოლიციელმაც მიღო. მაყურებლებიდან არავინ დაშავებულა.
Hispano HA-200 Saeta-ის თვითმფრინავი ისტორიული საფრენი აპარატების კლასს განეკუთვნება. ის გასული საუკუნის 50 -იან წლებშია გამოშვებული.
