ეკონომიკისა და მდგრადი განვითარების სამინისტრო, კონკურენციის კანონპროექტს ამჯერად ბიზნესს გააცნობს. როგორც სააგენტო "ჯი-ეიჩ-ენს" ეკონომიკისა და მდგრადი განვითარების სამინისტროდან აცნობეს, 1 მაისს, 09.45 საათზე, სასტუმრო „თბილისი მარიოტში", ბიზნესის წარმომადგენლებისთვის იმართება შეხვედრა თემაზე - „კონკურენციის პოლიტიკის განვითარება საქართველოში".
შეხვედრის ძირითადი მიზანია ბიზნესმენები გაეცნონ დაგეგმილ საკანონმდებლო ცვლილებებს და გამოთქვან თავისი მოსაზრებები. ღონისძიებას ეკონომიკისა და მდგრადი განვითარების სამინისტროს წარმომადგენლებთან ერთად დაესწრება ბიზნესომბუდსმენი, ასევე ევროგაერთიანებისა და გერმანიის საერთაშორისო თანამშრომლობის საზოგადოების წარმომადგენლები.
მასალის გამოყენების პირობები
