სწრაფი გადახდის აპარატებში მობილურის თანხის ჩარიცხვისთვის საკომისიოს დაწესებასთან დაკავშირებით კითხვები სებ-ის პრეზიდენტს, როგორც მობილურ და სწრაფი გადახადის კომპანიებთან, ასევე ბანკებთანაც აქვს. უკვე ცნობილია, რომ სებ-ი სწრაფი გადახდის კომპანიების ფინანსურ მდგომარეობას სწავლობს, რათა დაადგინოს მათი გაკოტრების საფრთხე რამდენად მართალია. როგორც დღეს სებ-ის პრეზიდენტმა გიორგი ქადაგიძემ განაცხადა, სებ-ი სწავლობს ასევე რიგი კომერციული ბანკების უფასო შეთავაზებას - არის ეს ჩვეულებრივი მარკეტინგული სვლა, თუ დროებითი დემპინგური ფასის შეთავაზება.
"რაც შეეხება სწრაფი გადახდის აპარატებს, ჩვენ ვსაუბრობთ ამ თემებზე, არის გარკვეული კითხვები ყველა მონაწილის, მათ შორის მობილური ოპერატორების მიმართ. თუ როგორ მოხდა, რომ ერთ დღეს სამივე მობილურმა ოპერატორმა გადაწყვიტა თავის სადისტრიბუციო პოლიტიკის შეცვლა და ერთ დღეს იდენტური ხელშეკრულებები გაუგზავნეს ყველა მონაწილეს, რაც რეალურად მათი სერვისის გაძვირებას ნიშნავს.
ასევე ვსწავლობთ სწრაფი გადახდის აპარატების ფინანსურ მდგომარეობას, თუ რამდენად მართლია საფრთხე მათი გაკოტრების და ასევე ვსწავლობთ რიგი კომერციული ბანკების უფასო შეთავაზება - არის ეს ჩვეულებრივი მარკეტინგული სვლა, თუ დროებითი დემპინგური ფასის შეთავაზება, ფინანსურად უფრო სუსტი კონკურენტის ბაზრიდან გაყვანის მიმართულებით"- განაცხადა გიორგი ქადაგიძემ.
მისი განმარტებით, რამდენიმე დღეს სებ-ს უკვე ექნება დასკვნა და ამის შემდეგ სებ-ი საკუთარი კომპეტენციის ფარგლებში გავაკეთებთ რეაგირებას.
