საქართველო-უკრაინის სავაჭრო ეკონომიკურ საბჭოს მიუღებლად მიაჩნია "აგარის შაქრის კომპანიის" (Agara Sugar Company) შეთავაზება საქართველოს მთავრობისადმი, რომ უკრაინული პროდუქტი _ შაქარი თავისუფალი ვაჭრობის რეჟიმიდან გაიყვანოს.
საქართველო-უკრაინის სავაჭრო-ეკონომიკური საბჭოს თავმჯდომარე ნიკოლოზ გუგუშვილი აცხადებს, რომ "აგარის შაქრის კომპანიის" აღნიშნული ინიციატივა სრული აბსურდია. გუგუშვილს მიაჩნია, რომ აღნიშნული ქმედება პროდუქტზე ფასის გაზრდას და კონკურენციის შეჩერებას გამოიწვევს. Mმისი თქმით, მიმდინარე წელს უკრაინიდან 52 ათასი ტონა შაქრის ექსპორტი განხორციელდა, რამაც ხელი შეუწყო შაქარზე ფასის შემცირებას.
`საქართველოს არ აქვს შესაძლებლობა ექსპორტის გარეშე, მხოლოდ თავისი წარმოებული პროდუქციით უზრუნველყოს მთლიანად ბაზარი. ნებისმიერი კომპანია მხოლოდ მოგებაზე კი არ უნდა ფიქრობდეს და ამძიმებდეს ბაზარს, პირიქით იმაზე უნდა ფიქრობდეს მეტი გააკეთონ, რომ კონკურენტუნარიანები გახდნენ. Aარ შეიძლება მონოპოლიების ჩამოყალიბება. Bბაზარი უნდა იყოს დაცული კონკურენციებით და არა მონოპოლიებით~,- განაცხადა სააგენტო "ჯი-ეიჩ-ენთან" საუბრისას გუგუშვილმა.
მისი თქმით, საქართველო-უკრაინის სავაჭრო ეკონომიკურ საბჭო ეწინააღმდეგება და მიუღებლად მიაჩნია, რომ საქართველოს მთავრობამ მიიღოს გადაწყვეტილება, რომ უკრაინული შაქარი გაიყვანოს თავისუფალი ვაჭრობის რეჟიმიდან.
`არ შეიძლება 100 დასაქმებული კაცის გამო ასობით ათასობით ადამიანს პროდუქტზე ფასი გაეზარდოს, ამასთანავე ეს ნეგატიურად აისახება საქართველო-უკრაინის მეგობრულ ურთიერთობებზეც~,_დასძენს გუგუშვილი.
საქართველო-უკრაინის სავაჭრო ეკონომიკური საბჭო აბსურდულს უწოდებს იმასაც, რომ თითქოს საქართველოში უკრაინული შაქრის ექსპორტის გაზრდა შაქრის მწარმოებლების მიერ გასაღების ძირითადი ბაზრის-ყაზახეთის დაკარგვამ გამოიწვია. Nნიკოლოზ გუგუშვილის თქმით, დღეისთვის უკრაინიდან ყაზახეთში შაქრის 56% გადის ექსპორტზე.
მისი თქმით, 2012 წლის იანვარ-მარტში უკრაინიდან ექსპორტზე გავიდა 22,4 ათასი ტონა შაქარი, რომლის ღირებულებაც 115,4 მილიონი გრივნაა. პროდუქციის გასაღების ძირითადი ბაზრებია: ყაზახეთი (56,3%), ლივია (19,86%) და ყირგიზეთი (6,1%). ამასთანავე, 2012 წლის იანვარ-მარტში განხორციელებულმა იმპორტმა შეადგინა 300,5 ტონა, რომლის ღირებულებაც 3,6 მილიონი გრივნაა.
შეგახსენებთ, რომ უკრაინულ მედიაში გავრცელდა ინფორმაცია, რომ "აგარის შაქრის კომპანია" - Agara Sugar Company უკრაინიდან საქართველოში შაქრის შემოტანის შეზღუდვას ლობირებს.
"კომპანია თავაზობს საკუთარი ქვეყნის მთავრობას უკრაინული პროდუქტი თავისუფალი ვაჭრობის რეჟიმიდან გაიყვანოს", - წერს უკრაინული მედია.
მიმდინარე წელს უკრაინას 52 ათასი ტონა შაქრის ექსპორტი განახორციელა, რომლის მესამედი ნაწილი საქართველოში შემოვიდა.
როგორც უკრაინული მედია იუწყება, საქართველოში უკრაინული შაქრის ექსპორტის ზრდა შაქრის მწარმოებლების მიერ გასაღების ძირითადი ბაზრის - ყაზახეთის დაკარგვამ გამოიწვია. 2012 წლის შემოდგომიდან, როდესაც ყაზახეთმა დსთ-ში თავისუფალი ვაჭრობის ხელშეკრულების რატიფიციერება მოახდინა და უკრაინული შაქარი ამოღებული იქნა თავისუფალი ვაჭრობის რეჟიმს მიკუთვნებული პროდუქციის სიიდან, ამ ქვეყანაში უკრაინული შაქრის ექსპორტი ფაქტობრივად შეწყდა.
მხოლოდ გასული წლის ოქტომბრიდან 2013 წლის თებერვლის ჩათვლით საქართველოში უკრაინიდან ექსპორტირებულია 5,7 მილიონი აშშ დოლარის შაქარი.
თუ 2011-2012 წლებში საქართველოში უკრაინული შაქრის ექსპორტი სრული საექსპორტო მაჩვენებლის 6%-ს შეადგენდა (72% ყაზახეთი, 8% ყირგიზეთი), წელს საქართველო ამ მაჩვენებლით ლიდერი გახდა.
Agara Sugar Company -ის გენერალური დირექტორის ალხენ ალიზადეს განცხადებით, საქართველოში შაქრის უმსხვილეს მწარმოებელს არ შეუძლია უკრაინიდან იმპორტირებულ შაქარს ფასში გაუწიოს კონკურენცია. უკრაინიდან მოწოდებული შაქრის ფასი მიმდინარე წელს ტონაზე 550 აშშ დოლარს შეადგენს.
აგარის ქარხანაში აცხადებენ, რომ მათი წარმოებული შაქრის ღირებულება ტონაზე 800 აშშ დოლარია.
იმის გამო, რომ ბაზრის წილის დაკარგვა კომპანია "თვითღირებულებაზე ნაკლებად" - 600 აშშ დოლარად ახდენს მის რეალიზაციას, - აცხადებს ალიზადე.