„ჟურნალ „ლიბერალმა" სოფლის მეურნეობისადმი მიძღვნილი სპეციალური ნომრის პრეზენტაცია გამართა, სადაც წარმოდგენილი იყო „მარნეულის სასურსათო ქარხნის" პროდუქცია, რომელმაც მნახველთა დიდი მოწონება დაიმსახურა.
ღონისძიებას ესწრებოდნენ საქართველოს სოფლის მეურნეობის მინისტრი დავით კირვალიძე, ბიზნესკომპანიებისა და „საქართველოს ფერმერთა ასოციაციის" წამომადგენლები და სხვა მოწვეული სტუმრები. მათ ქართველი ფერმერების მიერ მოყვანილი პროდუქციისგან მომზადებული კერძები დააგემოვნეს.
„მარნეულის სასურსათო ქარხანა" „მარგებელი ჰოლდინგის" ნაწილია, რომელიც 2007 წელს დაარსდა და საქართველოში ერთ-ერთი უმსხვილესი საწარმოა. ქარხანა, რომელიც ევროპული სტანდარტების მქონე დანადგარებითაა აღჭურვილი, 50-მდე დასახელების ქართული ნედლეულისგან დამზადებულ, ნატურალურ და გემრიელ საკონსერვო პროდუქტს უშვებს. ქარხანას ნედლეულით ჰოლდინგში შემავალი კომპანია „მარნეული აგრო" და ადგილობრივი მცირე სასოფლო მეურნეობები ამარაგებენ. საწარმოს ტექნიკური შესაძლებლობა, ადგილობრივი ნედლეულის მაღალ ხარისხთან ერთად, ქართულ ბაზარზე უალტერნატივო პროდუქტს სთავაზობს. ქილაში ჩადებული თითოეული პროდუქტი ქართულ მიწაზეა მოყვანილი და 100 პროცენტით ქართულია. შესაბამისად, M ნიშანი საქართველოში ხარისხისა და ჯანსაღი საკვების სინონიმად იქცა.
