,,მთავრობა ყველაფერს გააკეთებს იმისთვის, რომ საქართველო ენერგოდამოუკიდებელი გახდეს", -განაცხადა ენერგეტიკის მინისტრმა კახა კალაძემ ქართულ-უკრაინულ ბიზნეს-ფორუმზე სიტყვით გამოსვლისას და აღნიშნა, რომ საქართველოს ამისთვის ყველა რესურსი გააჩნია.
,,ჩვენ გვაქვს ყველა რესურსი, რომ გავხდეთ ენერგოდამოუკიდებელი ქვეყანა და უახლოეს მომავალში გავხდეთ ექსპორტიორები. არსებობს სტატისტიკური მონაცემები, რომლითაც ჩანს, რომ ყველაზე მეტი ინვესტიცია სწორედ ენერგეტიკის სფეროში იდება. ჩვენ მზად ვართ თანამშრომლობისთვის", _განაცხადა კალაძემ.
