ევროპაში სასტუმრო მომსახურების ღირებულება ძვირდება. საზაფხულო ტურისტული ბუმის დაწყებასთან ერთად ევროპული სასტუმროების მეპატრონეებმა ტარიფები გაზარდეს.
აპრილის მონაცემებით, ევროპაში სასტუმრო ნომრის დაქირავება საშუალოდ 113 ევრო ღირს. ტურისტული სეზონის დაწყებასთან ერთად ფასის მატება ყველაზე მეტად შესამჩნევი ამსტერდამის სასტუმროებშია. ექსპერტები ჰოლანდიის დედაქალაქში სასტუმროების ფასების ზრდას უკავშირებენ ქვეყნისთვის ერთ-ერთ მნიშვნელოვან თარიღს, ბეატრის დედოფლის დაბადების დღეს, რომელიც საზეიმო ვითარებაში ჩაივლის და რაც მისი გრანდიოზულობის გამო ტურისტებს იზიდავს.
აპრილის დასაწყისში საკმაოდ გაზარდეს ფასები მიუნხენის, პრაღის, ნიცას, ვენეციისა და რომის სასტუმროებმა. მხოლოდ მიუნხენში ერთის თვის განმავლობაში სასტუმრო ნომრის ღირებულება 32 %-ით გაძვირდა, ხოლო რაც შეეხება რომისა და ვენეციის სასტუმროებს აქ ზრდამ ერთი თვის განმავლობაში 28 %-ი შეადგინა.
