ღონისძიების - ,,აირჩიე ქართული გუდვილთან ერთად'' მიზანია საქართველოს აგრარულ სფეროში მოქმედი მცირე საწარმოების პოპულარიზაცია და მომხმარებლისთვის გაცნობა.

,,ჩვენი სურვილია წარმოვაჩინოთ საწარმოები, რომელთაც აქვთ ნატურალური პროდუქტი, მაგრამ არ არიან ცნობილი ბაზარზე, ვერ აკეთებენ ექსპორტს და მომხმარებელი არ იცნობს მათ პროდუქციას. გამოფენაზე წარმოდგენილი იქნება ჩაის, თაფლის, ხილის და ბოსტნეულის წვენების, ტკბილეულის, მურაბების და ჯემების, საწებლების და საკონსერვო წარმოების, ყველის, რძის პროდუქტების, მინერალური წყლების, ჭაჭის და ღვინის მწარმოებელი საწარმოები.
ღონისძიების ფარგლებში დაგეგმილია ტრენინგების კურსი გამოფენაში მონაწილე მცირე კომპანიებისთვის (როგორ მოვიპოვოთ დაფინანსება, როგორ შევფუთოთ და გავყიდოთ პროდუქტი).

პირველი ღონისძიება ჩატარდა 2012 წლის დეკემბერში, ,,აირჩიე ქართული'' გამოფენა-გაყიდვის ორგანიზებას აკეთებს წელიწადში ორჯერ აღდგომამდე და ახალ წლამდე პერიოდში.

მცირე კომპანიები რომლებიც მონაწილეობენ ღონისძიებაში უნდა დააკმაყოფილონ შემდეგი მოთხოვნები: საწარმოების მიერ შექმნილი პროდუქცია უნდა შეესაბამებოდეს ‘'გუდვილის'' შეფუთვის პირობებს, უნდა გააჩნდეთ ეტიკეტი შესაბამისი მონაცემებით (შტრიხ კოდი, პროდუქციის შემადგენლობა, შენახვის ვადა და.აშ). გამოფენა-გაყიდვაში მონაწილეობა არის უფასო. საწარმოებს შეუძლიათ საკუთარ მაგიდებზე წარმოადგინონ სარეკლამო მასალები. კომპანიები, რომლებიც გადაწყვეტენ საკუთარი პროდუქციის რეალიზაციას უნდა გააჩნდეთ სალარო აპარატი.

შეგახსენებთ, რომ ჰიპერმარკეტი ,,გუდვილი'' ლიდერია საქართველოს საცალო ვაჭრობის ბაზარზე და წარმოდგენილია თბილისში 5 ობიექტით, ასევე აქვს ჰიპერმარკეტები ბათუმში და გორში. ,,გუდვილის'' პრიორიტეტია ქართული პროდუქციის წარმოების მხარდაჭერა და განვითარება.

,,გაყიდვების მართვის კომპანიის'' მიერ შექმნილია ნიშანი ,,აირჩიე ქართული!'', კომპანია საქართველოს რეგიონებში ეძებს ქართული წარმოების ნატურალურ პროდუქციას, ეხმარება ასეთ საწარმოებს გაყიდვების, მენეჯმენტის, მარკეტინგის დაგეგმვაში. ამჟამად კომპანიის პორტფელში არის 4 პროდუქტი: ჩაი, თაფლი, ციტრუსის ნატურალური წვენები LIVO.